Киир

Киир


Южно-Сахалинск куоракка Арассыыйа Уһук Илин, Сибиир аҕыйах ахсааннаах хотугу норуоттарын этнокултуурунай кииннэрин үлэтин-хамнаһын эрэгийиэннэр икки ардыларынааҕы көрүүтэ буолан ааста.

Тэрээһин Арассыыйа култууратын министиэристибэтэ Сахалинскай уобалас култууратын уонна архыып дьыалатын министиэристибэтин, ону тэҥэ КРОО "Арт-Содружество" көмөтүнэн ыытылынна.

Саха Өрөспүүбүлүкэтиттэн, Карелия, Сахалин, Хабаровскай уонна Приморскай кыраайдартан, Магаданскай уонна Свердловской уобаластартан дэлэгээссийэлэр кыттыыны ыллылар. Бу туһунан улуустааҕы култуура салалтатын салайааччыта Степан Слепцов сырдатта:

- Южно-Сахалинск куоракка эрэгийиэннэр икки ардыларынааҕы этнокултуурунай кииннэр көрүүлэрэ төһө да санкция, уустук кэм буоллар сүрдээх үрдүк таһымҥа ааста. Уопсайа 6 эрэгийиэн кыттыыны ылла.

Тэрээһин туһунан этиэх иннинэ санатыам этэ, "Маранга" этнокултуурунай киин тэрилтэтэ бу саас ыам ыйга өрөспүүбүлүкэбит кииннэрин онлайн күрэхтэригэр кыттан бастаабыта. Ол иһин бу тэрээһиҥҥэ өрөспүүбүлүкэ аатын көмүскүүр чиэскэ тиксибитэ. Саха сириттэн биһиги улууспут үрдүк таһымҥа кыттыыны ылла диэн бэлиэтиир тоҕоостоох.

Тэрээһин кэмигэр маастар кылаастар, семинардар, төгүрүк остуол ыытылыннылар. Мин төгүрүк остуолга улууспутугар этнокултуурунай кииннэр үлэлэрэ, сайдыылара, кыһалҕалара диэн тиэмэҕэ дакылаат аахтым. Сүрдээх элбэх ыйытыктар, сэҥээриилэр киирдилэр.

Тэрийээччилэр сүрдээх үчүгэйдик көрүстүлэр. Элбэх бэлэмнэнии үлэлэрэ барбыттар. 3 күн устата Южно-Сахалинск музейдарын, бэлиэ сирдэринэн илдьэ сылдьан кэпсээтилэр, билиһиннэрдилэр.

Эбээн норуотун олоҕун-дьаһаҕын, традиционнай култууратын кэпсиир, көрдөрөр улууспут уран тарбахтаах маастардарын оҥоһуктарын аҕалан быыстапкаҕа туруордубут. Быыстапкабыт олохтоох дьон-сэргэ, тэрээһин кыттыылаахтарын сэҥээриитин, биһирэбилин ылыан ылла. Олохтоох телевидение чочуйан уһулла.

Биһигини бу тэрээһиҥҥэ тэбис-тэҥҥэ сүүрэн-көтөн өрөспүүбүлүкэтээҕи Норуот Айымньытын дьиэтин биир сүрүн үлэһитэ, эмиэ хоту улуустан төрүттээх Ольга Ивановна Жиркова салайан илдьэ сырытта. Биһиги бөлөх аатыттан киниэхэ махталбыт муҥура суох. Он тэҥэ кэлэн кыттыыны ыларбытыгар күүс-көмө буолбут улууспут баһылыгар Гаврил Гаврильевич Гороховка, Аллараа-Бытантай нэһилиэгин баһылыгар Роберт Афанасьевич Колесовка, Лидия Софроновна Сыроватскаяҕа, улууспут уран тарбахтаах маастардарыгар Зоя Григорьевна Колесоваҕа, Ньургуйаана Еремеевна Колесоваҕа, Елена Романовна Колесоваҕа, Аграфена Терентьевна Корниловаҕа, Елена Андреевна Поповаҕа, Ольга Олеговна Поповаҕа махталбын тиэрдэбин.

4da9f0f8 0b26 4bc5 8549 8b315c1ebd3d8e1e07bf 1b01 4e03 bc5b d7b5234f923923a53001 822d 435e b876 f9672e5855d29754f5ed ab04 40e9 bfe4 ae338413da01b1ea68f9 6e59 4aa5 b49b 37755a710988b21c5aa2 1b97 40c4 b438 3142d19168a7b60d1a4e d6e0 48e9 9645 a4e1dd16eeb6d8d82dae 7d68 4b97 bc80 082bd90c1ad4d6797c08 2f3f 4aff 947c 7a7ba9c1c230e317e3ac 4fd1 4e28 874f 2db4a7db2a88ead96f4e 5428 4c3b 8ded ca3d38ddbd36

Илана Колесова

Тарҕат:

Санааҕын суруй