Киирии

Киирии

Сунтаар улууһугар бизоннары көҥүл ыытаары сири-уоту үөрэтэллэр.

ДБР биологическай ресурсаларын салалтатын начаалынньыга Роман Сметанин иһитиннэрбитинэн, Сунтаар улууһугар бизоннары ыытыы бырайыага үс сылга суоттаныллар. Быйыл биэдэмистибэ уонна научнай тэрилтэлэр исписэлиистэрэ айылҕа усулуобуйатын үөрэтиэхтэрэ. Бу күннэргэ Кэмпэндээйи нэһилиэгэр ДБР биологическай ресурсаларын салалтатын үлэһитэ Леонид Попов уонна СО РАН  учуонайдара, үлэһиттэрэ Елена Троева уонна Евдокия Неустроева үлэлии бардылар.

Бу бырайыагы биһирээтэхтэринэ Сунтаарга бизон оҕолорун бастакы баартыйатын ыытыахтара. Роман Сметанин этэринэн, билигин биир эрэ улууһу кытта үлэлииллэр. Бизоннар бастакы сылларыгар улуус дьаһалтата тутуохтаах дьиэтигэр туруохтара. Ол кэнниттэн көҥүл барыахтара. Хас да сыл ахсааннарын кэтээн, үөрэтэн көрүөхтэрэ.

Тарҕат:

Комментарии

Защитный код Обновить