Ил Түмэн Ил Дархан Айсен Николаевка сылгы уонна таба кыстыгар ыарахаттары үөскэппит айылҕа усулуобуйатынан ыксаллаах быһыы-майгы эрэсиимин киллэрэргэ этии көтөхтө.
Маннык быһаарыныыга алтынньы ый саҥатыттан өрөспүүбүлүкэ хас да улууһугар сайыҥҥылыы ардах түһүүтэ төрүөт буолла. Ол түмүгэр сылгы, таба кыстыыр сирдэригэр халыҥ муус үөскээн, кыстыкка улахан кыһалҕа тахсыан сөп. Онон сылгыга, табаҕа эбии аһылыгы эрдэтинэ хааччынар наадата тириир.
Ил Түмэн дьокутааттара маннык балаһыанньаҕа уоскуйар, олорон биэрэр наадата суоҕун ыйан туран, тыа хаһаайыстыбатыгар улахан хоромньуну таһаарбат туһуттан туһааннаах миэрэни ыларга туруорсаллар. Саха сирин парламена ыксаллаах быһыы-майгы эрэсиимин сир мууһуран, сылгы, таба өлүүтэ тахсыан сөптөөх, ордук уустук балаһыанньаҕа түбэспит улуустарга киллэрэр наадатын ыйар.
