Войти

Войти

Төһө да уустук саньытаарынай-эпидемиологическай балаһыанньа уһаабытын үрдүнэн, хампаанньа экологияҕа куттал суох буолуутун хааччыйыыны инники күөҥҥэ тутар.

Халаан утары үлэ тэрээһинин бырагырааматын чэрчитинэн, Экология киинин уонна Мииринэй ХБК исписэлиистэрэ СӨ Экологияҕа министиэристибэтин Мииринэйдээҕи судаарыстыбаннай экология кэтээн көрүүтүн кэмитиэтин кытта ыам ыйын 7 күнүгэр Иирэлээх өрүһү уонна кини салааларын, уу харыстанар (водоохраннай) суонатын кыраныыссатыгар баар оҥорон таһаарыы былаһааккаларын көрөн-истэн, чинчийэн кэллилэр.

36f86975 584b 415b b0cc e1ae014491de

Лаппа киэҥ хабааннаах чинчийиии чэрчитинэн уу эбийиэктэрин уонна уу харыстанар суоналарын илэ харахтарын көрдүлэр, бэрэбиэркэлээтилэр. Иирэлээх эбэ уон араас миэстэтиттэн, Таборнай үрэхтэн уонна Аччыгый Ботуобуйаттан уу боруобатын ыллылар. Маннык лабораторнай чинчийии тиһиги быспакка ыытыллыыта уу эбийиэгин туругун дьыл араас кэмигэр уонна халаан кэмигэр уу састаабын кэтээн көрөргө уонна уу туругун туһунан сэҥээрээччилэргэ толору иһитиннэриини биэрэргэ көмөлөөх.

966909ea c1f2 4e45 ae35 bc2c2473efbc

Чинчийэн көрүү түмүгэ айылҕа харыстабылыгар сыһыаннаах сокуоннары кэһии суоҕун көрдөрдө.

d8ee506c 1fae 41d7 87b2 ee1711c0e348

Бу курдук чинчийэн-үөрэтэн көрүү ураты болҕомтолоохтук уонна күүскэ ыытыы сааскы халаан уута куттала суох буоларын, АЛРОСА үлэлиир суоналарыгар уу эбийиэктэрин туруга хонтуруолга сылдьарын уонна халааны утары үлэ ыытылларын туһугар тэриллэр.

e852ec2d 109e 4dd4 b6ad f8e07092ba2f

“Халаан уутун чинчийии күүһүрдүллүбүт кыраапыгар олоҕуран, уу боруобата хас нэдиэлэ аайы ылан үөрэтиллэр. Бу боруоба ньиэп бородууктата, тимир уонна араас туус састааба баарын-суоҕун, кээмэйин быһаарар. Алмааһы сууйуу кэмигэр, ол эбэтэр ыам ыйыттан балаҕан ыйыгар диэри кэмҥэ, хас ый аайы үстүүтэ ууттан боруоба ылар буолуохпут”, -- диэн, биһиэхэ Уу ресурсаларын харыстыбылыгар уонна сир баайын туһаныыга бөлөх салайааччыта Алёна Дьяконова кэпсээтэ.

Тарҕат:

Добавить комментарий

Бүтэһик сонуннар