Орто Халымаҕа ойуур уотун балаһыанньата өссө да тыҥаан турар. Бу туһунан ЫБММ Саха сиринээҕи салаатын пресс-сулууспата иһитиннэрэр.
«Орто Халыма улууһугар 278,27 тыһ. иэннээх сиргэ 11 ойуур уота бэлиэтэнэр. Сүрүннээн нэһилиэнньэлээх пууннар аттынааҕы баһаардары умулларыыга сүрүн күүһү бырахтыбыт», - диэн суруйаллар. Бу иннинэ Орто Халымаҕа турбут уот сүрүн биричиинэтинэн өртөөһүнү ааттаабыттара.
Ааспыт суука устатыгар Саха сиригэр эбии 25 ойуур уота турда. Уопсайа 234,44 тыһ. гаа сиргэ уот күүдэпчилэнэр.
Авиалесоохрана дааннайдарынан, билигин өрөспүүбүлүкэҕэ 638,05 тыһ. гаа сиргэ 64 баһаар бэлиэтэнэр, онуоха 957,07 гаа сиргэ уот өрө күүрэн умайар. Баһаар сезона саҕаланыаҕыттан Саха сиригэр 219 ойуур уота турбут. Суукка устатыгар 33 уот турбут, 8 туочуканы умулларбыттар.
