Войти

Войти

Саха сиригэр бу сааскыттан баччааҥҥы дылы ойуур уота күүдэпчилэнэр. Айылҕа харыстабылын министиэристибэтэ иһитиннэрэринэн, билиҥҥи баһаардар ходуһалары өртөөбүттэриттэн сылтаан тахсыталаабыттар. Өрт уота ойуурга өтөн киирбит.

Миниистир Сахамин Афанасьев этэринэн, ИДСМ космостан түһэрбит снимоктарынан көрдөххө, баһаар киһи дьалаҕайыттан турар эбит.

“Ходуһаларга туох да көҥүлэ, көрүүтэ-истиитэ суох ыытыллар өртөөһүнү хонтуруоллуурга күүһүртүбүт. Бу маннык дьалаҕай сыһыантан күөх тыабыт күүдэпчилэнэр, дьон сайыны быһа тохпут көлөһүннэрэ – отторо умайбыт түгэннэрэ баар”, - диэн миниистир тоһоҕолуур.

Билигин ойуур уота киин улуустарга сытыырхайан турар. Чурапчы, Уус Алдан улуустарыгар турбут баһаардары умулларыыга сүрүн күүс ууруллар. Ити баһаардартан сылтаан Дьокуускай будулҕан буруоҕа бүрүллэн олорор. Билигин уопсайа Саха сиригэр 21 ойуур уота бэлиэтэнэр.

Тарҕат:

Добавить комментарий