Быйыл өрөспүүбүлүкэ өрүстэрэ нуорма буолбут болдьохторунааҕар 1-3 суукка эрдэ устар чинчилээхтэр.
Ленскэй уонна Өлүөхүмэ улуустарынан Өлүөнэ эбэ ыам ыйын 5-14 күннэригэр устуоҕа. Дьокуускай аннынан – ыам ыйын 15-16 күннэригэр. Сангаар аннынан – ыам ыйын 19-21 күннэригэр. Оттон Өлүөнэ төрдүгэр – ыам ыйын бүтүүтүн чугаһынан.
Ыам ыйын иккис декадатыгар Алдан, Бүлүү уонна Амма өрүс алын тардыытыгар муус хамсыаҕа, ити нуорматтан 1-2 күн эрдэлиир.
Оттон хоту өрүстэргэ муус ыам ыйын бүтүүтэ-бэс ыйын саҥата устар чинчилээх.
Амма алын тардыытынан уонна Халымаҕа муус халыҥа нуорматтан 1-1,53 м үрдүк, онон хойутаан устуоҕа. Зырянка аннынан муус халыҥа нуормаҕа чугаһыыр, оттон Орто Халыма куоратын аннынан – кутталлаах кирбиини аһарар.
Муус харыыта ыам ыйыгар күн-дьыл хайдах буоларыттан быһаччы тутулуктаныаҕа диэн гидрометкиин сылыктыыр.