Хаҥалас түөлбэтин уонна Дьокуускай анныларынан муус харар түгэнгэр кэлэр 3 күн иһигэр уу таһыма эмисэ үрдээн, куорат эргин уу ылар кутталлаах. Халаан уута Табаҕа, Хатас, Пригороднай, Сыырдаах, Тулагы, Капитоновка бөһүөлэктэрин, Даркылаах, Хаҥалас түөлбэлэрин ылар кутталлаах. Бу туһунан ыам ыйын 18 күнүн сарсыардатыгар ЫБММ Саха сиринээҕи управлениета иһитиннэрэр.
Сарсыарда 8 чаастааҕы туругунан, Дьокуускай чугаһыгар уонна Хаҥалас түөлбэтгэр муус хойуутук устар, уу таһыма кутталлаах кирбиттэн кыра. Муус Өлүөнэҕэ Хаҥалас улууһун эргин күүскэ устар. Алын кырыыта Дьокуусай чугаһыгар бэлиэтэнэр, уу таһыма 461 см (кутталлаах ирбиитэ - 990 см). Муус үөһэ кырыыта Кытыл Дьураа аннынан устар, уу кутталлаах таһымтан намыһах. Муус тайааһына 280 км. Өлүөнэ Алдан өрүс төрдүгэр ыам ыйын 19-21, оттон Сангаар-Эдьигээн эргин ыам ыйын 19-24 күннэригэр устара былааннанар.
