Киирии

Киирии

ЫБММ Саха сиринээҕи управлениета сааскы халаан туругун иһитиннэрэр.

Өлүөнэ өрүскэ муус Кэбээйи, Нам улуустарыгар уонна Дьокуускай эргин устар. Муус алын кытыыта Кэбээйи улууһун Сангаар бөһүөлэгэр бэлиэтэнэр, муус турар. Үөһэ кытыыта Дьокуускай эргин устар. Онно уу таһыма 469 см (кутталлаах кээмэй – 970 см), муус чараастык устар. Муус тайааһына 330 км. Суукка устата 122 км устубут. Сангаар аннынан уу таһыма 825 см (кутталлаах кээмэй – 1150 см).

Хаҥаласка, Мэҥэ Хаҥаласка уонна Дьокуускайга 5 нэһилиэнньэлээх пуун ууга барбыт (Өктөм, Хоточчу, Ороссолуода, Хаптаҕай уонна Табаҕа): 224 уһаайба уонна 70 олорор дьиэ. Онно 647 киһи олорор. Дьону эрдэттэн аймахтарынан уонна билэр дьоннорунан тарҕаппыттар. Бу суукка устата Кэбээйи улууһун Сииттэ, Батамай, Кальвица, Арҕас нэһилиэктэригэр, Нам уонна Арбын сэлиэнньэтигэр уу таһыма үрдүүр чинчилээх. Уус Алдан Суотту, Хоноҕор, Арыы Тиит нэһилиэктэригэр, Даркылаах түөлбэтигэр, Табаҕаҕа, Мэҥэ Хаҥалас Ороссолуода, Хаптаҕай, Төхтүр нэһилиэктэригэр, Хаҥалас Хоточчу, Өктөм уонна Төхтүр нэһилиэктэрин аннынан уу таһыма кыралаан түһэрэ күүтүллэр.

Уус Алдан Чэриктэйигэр 27 уһаайба уонна12 олорор дьиэ ууга барбыт. Дыгдал, Чэриктэй, Кылаайы нэһилиэктэригэр уу таһыма үрдүүр чинчилээх.

Тааттаҕа икки нэһилиэк – Харбалаах уонна Чымынаайы ууга барда. Онно 216 уһаайба уонна 42 олорор дьиэ ууга былдьаммыт. Бу күн устата онно уу таһыма түһүөхтээх уонна нэһилиэктэр халаантан босхолонуохтаахтар диэн сылыктыыллар.

Бүлүү өрүс Бүлүү уонна Кэбээйи улуустарынан устар. Муус алын кытыыта Кэбээйи улууһун Хатырык Хомотугар бэлиэтэнэр, онно уу таһыма 966 см (кутталлаах таһым – 1158 см) муус хойуутук устар. Үөһэ кытыыта Бүлүү куорат эргин устар. Онно уу таһыма 667 см (кутталлаах таһыма – 1050 см), муус чараастык устар. Муус тайааһына 208 км. Суукка устата муус 30 км устубут. Бу суукка устата муус өрүс төрдүгэр тиийэрэ күүтүллэр.

Халыма өрүс Магадаан уобалаһын Балыгычаан-Коркодон учаастагар хойуутук устар. Муус тайааһына 130 км, суукка устата 130 км устубут. Зырянка аннынан ыам ыйын 19-21 күннэригэр, Орто Халыма куоратын аннынан ыам ыйын 22-24, Черскэй бөһүөлэгэр ыам ыйын 30 күнүгэр устара күүтүллэр.

Тарҕат:

Ырытыыгын суруй

Защитный код
Обновить