Киирии

Киирии

Бу сарсыарда Саха сиригэр 201 га иэннээх сиргэ ойуур умайа турара. Бу туһунан ойуур сыһыаннаһыыларын департамена иһитиннэрэр.

Субуоккаҕа этиллэринэн, 2 ойуур баһаарын умуллара иликтэр. Ол курдук, Нам улууһугар 40 га, Чурапчыга 150 га ойуур умайа турар. Хаҥаласка 11 гектардаах сиргэ тахсыбыт баһаары умулларбыттар. Баһаары умулларыыга 72 десантник-баһаарынньык, 13 парашютист-баһаарынньык, 23 баһаар-химия ыстаансыйатын үлэһитэ, 2 лесничество үлэһитэ уонна 19 олохтоох дьон үлэлииллэр. Уопсайа 9 тиэхиньикэ умулларар.

Бу сылга ойуур баһаарын сезона саҕаланыаҕыттан ыла, Саха сиригэр номнуо 23 баһаар тахса сырытта (1 988,94 га). Былырыын баччаларга 61 ойуур баһаара тахсыбыта (2 764,4 га).

Ойуур сыһыаннаһыыларын департамена олохтоохтортон уонна ыалдьыттартан тыаҕа сэрэхтээх буоларгытын санатар. Өскөтүн ойуур умайа турарын көрдөххүтүнэ, эһиги эрэгийиэннээҕи диспиэччэр сулууспатыгар 7-4112-44-74-76, итиэннэ ойуу харыстабылын быһа лииньийэтигэр 8-800-100-94-00 төл. эрийиэхитин наада.

Тарҕат:

Ырытыыгын суруй

Защитный код
Обновить