Киирии

Киирии

Сунтаарга “Татыйыына” паромугар сүгэлээх, быһахтаах кыргыһыы туһунан суруйан турабыт. Онно “Татыйыына” хампаанньа бөлөҕүн үлэһиттэрэ бас билэр паромнарыгар сүгэлээх, быһахтаах бөлөхтөр саба түспүттэрин, “общакка” диэн түһээн көрдүүллэрин, быһата, ааспыт үйэ 90-с сылларын санатар кэм саба бүрүүкээбитин туһунан суруйбуттара.

Быһылаан кэннэ 7 киһи хааллыбыта, 6 дьыала тэриллибитэ (ол иһигэр киһини эчэтии, өлөрүүгэ сааныы, кырбааһын, күлүгээннээһин, харчы кыһарыйан көрдөөһүн, сокуоннайа суохтук бойобуой тэриллэри харайыы)

СӨ борокуратуурата бу иирсээн кэмигэр улуустааҕы ГИБДД үлэһиттэрэ төһө эмэ тиийэн баран, тоҕо бу иирсээн төрүөтүн быһаара, билэ-көрө сатаабакка төттөрү барбыттарын, тоҕо бу быһылаан туһунан Сунтаар улууһун ИДьМ-н оперативнай дьуһуурунайыгар биллэрбэтэхтэрин, уопсайынан, тоҕо туох да дьаһалы ылбатахтарын болҕомтотугар ылбыта. Быһата, эрдэ суруллубутун курдук, “полиция үлэһиттэрэ” улуус “өҥнөөхтөрүттэн” куттанан дуу, эрдэттэн кэпсэтиһиилээх буолан дуу, дьону кыыллыйбыт күлүгээннэргэ хаалларан барбыттарын бэрэбиэркэлээн. Онон сибээстээн, Сунтаар улууһун борокуратуурата улуус ИДьМ-н начаалынньыгын аатыгар федеральнай сокуон кэһиллибитин суох гынарга модьуйан сурук ыыппыта.

Бүгүн өрөспүүбүлүкэтээҕи борокуратуура иһитиннэрбитинэн, ИДьМ улуустааҕы полиция икки үлэһитигэр эппиэтинэһи сүктэрбит. Ол курдук, биир ГИБДД үлэһитигэр кытаанах быыгабар бэриллибит. Оттон иккис полиция үлэһитигэр сулууспатыгар сөп түбэспэтин туһунан сэрэтиини биэрбиттэр.

Полиция үлэһиттэрэ илэ бэйэлэринэн атахха бэрдэриэхтэригэр диэри быһыыламмыт буоллахтарына, Сунтаарга "криминальнай аптарытыат" баһылаабыта  улаханнык саарбахтаммат. Биһиги эрэдээксийэбит бу айдааннаах дьыаланы салгыы кыраҕатык кэтээн көрөр.

Тарҕат:

Ырытыыгын суруй

Защитный код
Обновить