Киирии

Киирии

Сунтаар улууһугар баан үлэһитэ докумуоннары албыннаан оҥорон, клиеннэр счеттарыттан 2 мөл тахса солк уоран, пуочта начальнигын счетугар ыыппыт. Бу туһунан СӨ прокуратурата иһитиннэрэр. Суут буруйданааччыны усулуобунай болдьоххо анаабыт.

Сууттанааччы 35 саастаах олохтоох дьахтар. Кини бааҥҥа исписэлииһинэн үлэлээбит.

“Баан үлэһитэ расходнай-хаассабай докумуоннары албыннаан оҥорон, клиеннэр счеттарыттан харчы устан пуочта счетугар ыыппыт. Уоруллубут харчы суумата 2 мөл 130 тыһ солк тэҥнэспит”, – диэн иһитиннэриигэ суруллар.

Баан үлэһитэ түөрт сыл усулуобунай болдьоххо бириигэбэрдэммит. “Сууттанааччы саастарын ситэ илик биэс оҕолоох. Силиэстийэ үлэтигэр көхтөөхтүк кытынна”, – диэн  релизкэ суруллар.

Клиеннэр уоруллубут харчыларын баан толору саппыт. Оттон пуочта салаатын начальнигын бэрибиэркэлиир матырыйаал процессуальнай бэрибиэркэҕэ барыа.  

Тарҕат:

Комментарии

Защитный код Обновить