Киирии

Киирии

Балаҕан ыйыйгар буолаары турар Илиҥҥи экэниэмикэ форумугар (ВЭФ) Саха сирэ 150 млрд солк. үбү эрэйэр 30-ча бырайыагы билиһиннэриэҕэ. Бу туһунан экэниэмикэ миниистирин э.т. Майя Данилова иһитиннэрдэ.

Кини этэринэн, саамай бөдөҥ бырйыактарынан Өлүөнэни туоруур күргэни тутуу, баар ТОРдары кэҥэтии буолар. Маны таһынан, куорат Кангаласс түөлбэтигэр экология бөһүөлэгин итиэннэ ювелир-кырыылыыр кластеры тэрийии бырйыактарын билиһиннэриэхтэрэ. Илиҥҥи экэниэмикэ форумугар өрөспүүбүлүкэ быластара “Арктика” диэн Саха сирин хотугулуу-илиҥҥи өттүгэр минеральнай ресурсалары туһаҕа таһаарар ТОР бырайыагын билиһиннэриэхтэрэ. Хотун Данилова этэринэн, бу ТОРу тэрийии туһунан Уһук Илини сайыннарыы министиэристибэтигэр өссө сыл аҥарын инниттэн сайаапканы биэрбиттэр. Маны таһынан, форумҥа чох уонна ньиэп хостооһуннарыгар саҥа бырйыактары кэпсиэхтэрэ.

Форумҥа баараҕай бырайыактары тэҥэ, эрэгийиэн былаастара гостиница комплексын, социальнай эйгэҕэ тутуулары ыытарга, дьиикэй отонноох үүнээйилэри астыырга инвестордары көрдүөхтэрэ. Маны таһынан, сэлии муоһун атыылыыр электроннай былаһаакканы билиһиннэриэхтэрэ.

Санатар буоллахха, Владивостокка төрдүс төгүлүн ыытыллар Илиҥҥи экэниэмикэ форума балаҕан ыйын 11-13 күннэригэр буолуоҕа. Манна Кытай, Соҕуруу Кэриэйэ, Япония уо.д.а. дойдулар баһылыктара, салайааччылара кэлиэхтэрэ.

Тарҕат:

Комментарии

Защитный код Обновить