Киирии

Киирии

Саха сирин бырабыыталыстыбата уонна Япония Тоттори префектуратын салалтата Саха сиригэр кытаанах бөҕү суох оҥорор уонна таҥастыыр собуоту тутарга бииргэ үлэлэһэр санаалаахтарын туһунан меморандуму баттастылар. Бу туһунан ТАСС иһитиннэрэр.

“Биһиги Саха сиригэр кытаанах эттиктээх бөҕү суох оҥорор уонна таҥастыыр собуот эбийиэгин тутар га бииргэ үлэлэһэр сыаллаах меморандум түһэристибит. Сарсын Арассыыйа-Япония төгүрүк остуолугар кыттыахпыт. Онно биһиги Сакаиминато уонна Владивосток муора портарын холбуур паром туһунан кэпсиэхпит” , – диэн Тоттори күбүрүнээтэрэ Хираи Синдзи кэпсээтэ.

Түһэрсиллибит меморандумҥа этиллэринэн, бөх собуотун тутууга Hokkaido Corporation уонна Sanko Co. Ltd. дьоппуон хампаанньалара ылсыахтара. Бу собуоту тутуу 2021 сылга түмүктэниэн сөп.

Тарҕат:

Комментарии

Защитный код Обновить