Сөмөлүөтүнэн көтөргө субсидиялаах маршруттар сыл устата үлэлиэхтэрэ. Маныаха туһааннаах уурааҕы дойду премьер-миниистирэ Дмитрий Медведев сэтинньи 14 күнүгэр баттаабыт.
“Субсидияланар маршруттар ситимнэрэ кэҥээн биэриэҕэ, итиэннэ ити маршруттар сыл устата үлэлиэхтэрэ. Маны таһынан, субсидиянан элбэх оҕолоох дьиэ кэргэн чилиэннэрэ туһаналларын курдук дьаһаныахпыт. Уһук Илинтэн уонна Сибиртэн субсидияланар маршрут муҥутуур устата 3 тыһ. км диэри, оттон атын федеральнай уокуруктарга 1,5 тыһ. км. диэри улаатыаҕа” , - диэн премьер таһаарбыт уурааҕын быһаарыы суругар этиллэр.
Бу иннинэ субсидиялаах эриэйсэлэр кулун тутар 1 күнүттэн ахсынньы 1 күнүгэр диэри көтөллөрө. Уһук Илиҥҥэ 73 маршруттан 152-гэ диэри улаатыннаран биэриэхтэрэ.
