Киирии

Киирии

Саха сиригэр үс социальнай эбийиэги тутууга эбии үбүлээһин көрүллүөҕэ. Оннук быһаарыыны  кулун тутар 14 күнүгэр РФ Бырабыыталыстыбатын Бэрэссэдээтэлин солбуйааччы — Уһук Илиҥҥэ РФ Бэрэсидьиэнин боломуочуйалаах бэрэстэбиитэлэ Юрий Трутнев бэрэссэдээтэллээх мунньах түмүгүнэн ылыннылар.

Бастакы эбийиэк – 150 миэстэлээх  кардиологическай диспансер. Бу эбийиэк Дьокуускай куоракка быйылгыттан тутуллан саҕаланыа. “Дьокуускайга кардиологическай диспансер тутуллуоҕа. Бу өрөспүүбүлүкэҕэ булгуччулаах эбийиэк буолар. РФ доруобуйа харыстабылын министиэристибэтэ өйүүр”, — диэн Юрий Трутнев эттэ.

Ону таһынан Ил Дархан Айсен Николаев, 2019-2021 сылларга социальнай сайыннарыы былааныгар Кангалааска оскуола-уһуйаан уонна “Полярная звезда” диэн өрөспүүбүлүкэтээҕи оҕо сынньалаҥ уонна чэбдигирдэр киин тутуллуутун киллэрэри туруорсубута.   Ил Дархан этиитин  РФ Уһук-Илин уонна Арктика сайдыытын миниистирэ Александр Козлов өйөөбүтэ.  Хамыыһыйа үс саҥа эбийиэк тутуллуутугар эбии 6 млрд 598 мөл 900 тыһ солк көрөргө быһаарда.

Ону таһынан,  быйыл өрөспүүбүлүкэҕэ биэс эбийиэк олоххо киириэхтээх. Бу эбийиэктэр эрдэ былааҥҥа киирбиттэр: Хаандыгаҕа 220 миэстэлээх гимназия, Орто Халымаҕа успуорт комплекса, Нерюнгрига оҕо балыыһатын хапытаалынай өрөмүөннээһин, “Уһук Илиҥҥи гектар” бырагыраамма иһинэн сир учаастактарын инфраструктуратын оҥоруу уонна Нерюнгри куоракка водопровод турбатын, канализацияны саҥардыы.

ykt.ru хаартыската 

Тарҕат:

Комментарии

Защитный код Обновить