Муус устар 25-26 күннэригэр Москубаҕа АЛРОСА көҕүлээһининэн «Опыт и практические шаги по восстановлению горнодобывающего предприятия после аварии» диэн бүтүн Арассыыйатааҕы кэмпириэнсийэ ыытыллыа. «Якутниипроалмаз» уонна Арассыыйа наукатын акдемиятын сир баайын бүттүүн баһылааһын кыһалҕаларын институттара тэрийэллэр. Дойду үрдүнэн биллэр-көстөр учуонайдар, идэлээх дьон мустан ааспыт сылга атырдьах ыйыгар саахалламмыт «Мир» рудник үлэтин сөргүтүү туһунан кэпсэтии ыытыахтара.
«Билиҥҥи кэмҥэ саахал түмүгэр “Мир” рудникка бары үлэ тохтоон турар, ол иһин “АЛРОСА” хампаанньа манна улахан болҕомтотун уурар. Биһиги санаабытыгар, бу кэмпириэнсийэҕэ экономика эрэ өттүнэн буолбакка, экология, бырамыысалыннас боппуруостара эмиэ таарыллыахтара. Кэмпириэнсийэҕэ биһиги бастыҥ исписэлиистэрбит кыттыһыахтара. Итини таһынан, атын тэрилтэлэр үлэлэрин, араас саахалларга түбэстэхтэринэ хайдах быһаарыыныы ылалларын туһунан кэпсэтэн опыт атастаһыахпытын баҕарабыт» - диэн АЛРОСА пресс-сулууспата кэпсээтэ.
Санатан эттэххэ, бу сыл тохсунньу ыйыгар АЛРОСА хампаанньа «Мир» трубка үлэтин сөргүтэргэ аналлаах бырайыактар күрэстэрин биллэрбитэ. Күрэс түмүгэ кулун тутар 21 күнүгэр биллиэҕэ. Кыайыылаахха 1,5 мөлүйүөн туттарыллыа, онтон бириис пуондатыгар уопсайа 3 мөлүйүөнтэн тахса харчы көрүллүбүт.
