Войти

Войти

“Григори” диэн алмааһы кырыылыырынан дьарыктанар хампаанньа “Кангалассы” индустриальнай паарка – урутаан сайдар сир резиденинэн буолла.

Бу хампаанньа 2013 сыллаахха тэрилибит, АЛРОСА хампаанньа бастайааннай килийиэнэ, алмааһы атыылыыр норуоттар икки ардыларынааҕы аукциоҥҥа куруук кыттар. Уһук Илини сайыннарыы Корпорациятын кытары хампаанньа “Сэйбиэм” диэн ювелирнай-кырыылыыр кластерга алмааһы кырыылыыр сыаҕы тэрийэр. Хампаанньа салайааччыта Григорй Каратаев этэринэн, тэрилтэ үлэлиирин тухары саамай улахана 30 караттаах алмаастан 10 карат ыйааһыннаах бирилийээни кырыылаан таһаарбыт. АТР ырыынагар тахсарга хампаанньа Кытай, АХШ уонна Аан Илин дойдуларыгар экспортка тахсарга ювелирдары кытары ыкса сибээстээхтик үлэлиир.

Күн бүгүн “Кангалассы” ТОРга 20 резидент үлэлиир, онтон 10-на номнуо бырайыактарын олоххо киллэрбиттэр, 1,4 млрд солк.чааһынай инвестицияны тардан 180-ча үлэ миэстэтин таһаарбыттар.

Тарҕат:

Добавить комментарий

Бүтэһик сонуннар