Киирии

Киирии

Кулун тутар 21 күнүгэр “АЛРОСА” АХ Кэтээн көрөр сэбиэтэ кэтэхтэн “АЛРОСА-Ньурба” ПАУо устааптаах хапытаалын 97,49 %-ҥа диэри улаатыннарарга диэн куоластаата. Бу туһунан хампаанньа пресс-сулууспата иһитиннэрэр.

Билиҥҥитэ АЛРОСА “АЛРОСА-Ньурба” ПАУо 87,48%-нын бас билэр. 10 %-нын өрөспүүбүлүкэтээҕи “РИК-Плюс” АУо бас билэр. Оттон 2,523% чааһынай бас билиигэ (кинилэр хампаанньаны салайыыга кыттыспаттар, “хонтуруолламмат” аахсыйа). “РИК-Плюс” 10 % аахсыйата СӨ судаарыстыбаннай баайын-дуолун приватизациялыыр былааныгар киллэриллэн сылдьар. Билиҥҥитэ АЛРОСА өрөспүүбүлүкэ салалтатын кытары “АЛРОСА-Ньурба” 10 %-наах өлүүтүн атыылаһар туһунан кэпсэтиини ыыта сылдьар. АЛРОСАлар бу өлүүнү атыыластахпытына хампаанньа инвестицияны тардарыгар уонна эпэрээссийэ кыахтаах буолуутугар дьайыахтаах диэн суоттаналлар. Хампаанньа генеральнай дириэктэрэ Сергей Иванов “2018 сыл бастакы аҥаарыгар атыылаһыахтаахпыт” диир.

“АЛРОСА-Ньурба” Ньурбатааҕы уонна Ботуобуйатааҕы сир баайдаах сири туһаҕа таһаарарга анаан 1997 сыллаахха тэриллибитэ. Ньурбатааҕы сир баайдаах сир бөлөҕө (“Нюрбинская” уонна “Ботобинская” туруупка уонна бытархай боруода киирсэр) ааспыт сылга 7,7 мөл. карааттаах алмаас сырьетун хостоон туттарбыта (АЛРОСА бөлөҕүн уопсай көрдөрүүтүттэн 19 %).

Тарҕат:

Ырытыыгын суруй

Защитный код
Обновить

Бүтэһик сонуннар