Киирии

Киирии

Ааспыт нэдиэлэҕэ Ялтаҕа биллэр-көстөр бэлиитиктэр, биисинэс, урбаан, эспиэр эйгэтин уонна араас дойдуттан уопсастыбаннай тэриллиилэр бэрэстэбиитэллэрэ түмсэн Кырыым сайдар саҕахтарын итиэннэ дойду социальнай-экэнэмиичэскэй боппуруостарын тула IV Ялтатааҕы норуоттар икки ардыларынааҕы экэниэмикэ форумугар (ЯМЭФ) кэпсэттилэр.

Форум чэрчитинэн олус улахан, дириҥ ис хоһоонноох бырагыраама үлэлээтэ. Уопсайа 67 тэрээһин ыытыллыбытыттан, 40-на – дьыалабыай тэрээһиннэр. Форумҥа 71 дойдуттан 3 тыһ. тахса киһи кытынна. Быйылгы форум бочуоттаах ыалдьыттарынан Австрияттан, Германияттан уонна саамай элбэх 80 киһилээх Сирия дэлэгээссийэлэрэ буоллулар. Арассыыйа араас муннуктарыттан урбаанньыттар бырааптарын көмүскүүр боломуочунайдар – 70-тан тахса киһи – саамай улахан дэлэгээссийэнэн буолла. “Деловая Россия” хос бэрэссэдээтэлэ Андрей Назаров бэлиэтээбитинэн, форум түмүгүнэн 150 млрд солк. инвестиция сөбүлэҥнэрэ, хантараактар баттаһыылара эрэ буолбакка, экэниэмикэ, бэлиитикэ саҥа көстүүлэрэ – сыыппаралаах экэниэмикэ, мэдиссиинэ, блокчейн уонна криптовалюта курдук сонун сүүрээннэр көтөҕүллүбүттэр.

YaltaEconomyForum

“ЯМЭФ кыттыылаахтарыгар Арассыыйа биисинэһин, федеральнай, эрэгийиэннээҕи, олохтоох былаас уорганнарын салайааччыларын кытары сибээс олохтуурга, итиэннэ дьыалабыай килиимэти тупсарарга, сайдар кэскили тобуларга олус үчүгэй, инникилээх кыах бэриллэр”, – диэн дойду бэрэсидьиэнэ Владимир Путин тоһоҕолоон этэр.

Маны таһынан, форум чэрчитинэн инвестордары тардарга эрэгийиэннэр икки ардыларынааҕы сыһыаҥҥа баар кыһалҕалары, Уһук Илиҥҥэ инвестицияны улаатыннарыыны, аччыгый уонна орто урбааҥҥа үп өҥөтө төһө кыаллара, бэрэсидьиэн туруорбут соругунан, сыл ахсын 120 мөл. кв.м иэннээх олорор дьиэни хайдах олоххо киллэрэри уо.д.а. тыын суолталаах боппуруостары дьүүллэстилэр. Кырыымҥа ураты болҕомто уурулунна: “Москуба-Кырыым” дьыалабыай хабы тэрийэргэ уонна Кырыым аан дойду ырыынагар тахсарыгар суоллары ырытыстылар.

Биисинэс көмүскэллээх буолуута, итиэннэ Арассыыйаҕа экэниэмикэ реформатын штабын тэрийэргэ улахан кэпсэтии буолла.

Ялтатааҕы экэниэмикэ форума “Будущее России” пленарнай мунньаҕынан түмүктэннэ. Мунньаҕы ыыппыт Андрей Назаров “Билигин арҕааҥҥы дойдулар Арассыыйаны тумна турар балаһыанньаларыгар, дойду экэниэмикэтэ сайдар саҕахтарын учуоттаабат буолуу сатаммат. Биһиги форуммутугар 71 тас дойду кытынна. Оттон экэниэмикэ сайдыыта бэйэбититтэн быһаччы тутулуктааҕын умнар сатаммат” диэтэ.

IMG 2314

“Деловая Россия” биисинэс-ледитэ: Саха бизнесмен дьахталлара – бастыҥнар кэккэлэригэр!

Бу улахан форум чэрчитинэн, “Деловая Россия” Бүтүн Арассыыйатааҕы уопсастыбаннай түмсүү “Бизнес-леди” диэн дойду бастыҥ урбаанньыт дьахталларыгар анал бириэмийэлэри туттартаата. Бу бириэмийэ дойдуга урбаанньыт дьахталлары өйүүр, кинилэр биисинэскэ ылар оруолларын бэлиэтиир уонна бастыҥнары бэлиэтиир сыаллаах тэриллэр. Саха сириттэн 2 урбаанньыт маннык улахан бириэмийэҕэ тигистэ. Ол курдук, “Ситим” медиа-бөлөх генеральнай дириэктэрэ Мария Христофорова “Социальное предпринимательство” номинацияҕа кыайыылааҕынан ааттанна.

XMN

 

Оттон Сунтаар улууһуттан “Корона” маҕаһыыннар ситимнэрин дириэктэрэ, урбаанньыт Надежда Львова “Меценатство” номинацияҕа кыайыылаах буолла.

NadejdaLvova

Эҕэрдэлиибит!

Тарҕат:

Ырытыыгын суруй

Защитный код
Обновить

Бүтэһик сонуннар