Киирии

Киирии

Бу сезоҥҥа тыйаатыр көрөөччүлэр дьүүллэригэр “Альберти циркэтэ” (ааптар И.Бергман, режиссер С.Потапов), “Мин доҕорум Гамлет” (В.Шекспир, С.Потапов), “Кыһыл көмүс хоруоп” (Дмитрий Таас, Руслан Тараховскай), “Хайа аарымалара” (Л.Пиранделло, Роман Дорофеев, Андрей Борисов), “Республика” (Дмитрий Наумов, Руслан Тараховскай) испэктээкиллэри таһаарда.

 

Бэлиэтээн этэр буоллахха, Д.С. Фефоров-Дмитрий Таас “Кыһыл көмүс хоруоба” саха литэрэтиирэтигэр детектив жанрыгар бастакы холонуу буолар. Сэһэҥҥэ эйэлэспэт кылаассабай өстөһүү сатыылаан турар дьалхааннаах 30-с сыллара көстөллөр. Испэктээкил саҕаланыаҕыттан бүтүөр диэри көрөөччү өйүн-санаатын, болҕомтотун сүүйэр: айдааннаах ат сүүрдүүтэ тугунан диэлийэн тахсыай, хайдах түмүккэ тиэрдиэй... Көрөөччү сүрэҕин аймыыр, дууһатын долгутар биир түгэнинэн, Суоппуйа (Ильяна Павлова толорор) өлүүтэ буолар. Онтон испэктээк бүтүүтэ сүрүн дьоруой Кириһээн (Николай Протасов) дэриэтинньик аатыра сылдьыбыт эһэтэ Ньыыкан (Кирилл Семенов) дьонугар билиниитэ этэ. Унньуула кинээс кубулҕаттаах оҥоһуута арыллан Ньыыкан аата-суола ыраастанар. Айымньы ааҕааччыга, оттон испэктээкил көрөөччүгэ киһилии сиэр-майгы, ымсыы-обот, үтүө санаа, сидьиҥ быһыы туһунан санаалары үөскэтэр.

Онон, ханнык баҕарар уус-уран айымньы сэһэн да буоллун, испэктээк да буоллун иитэр-үөрэтэр сыала-соруга ситиһиллибит диир кыахтаахпыт. Туруоруу уота-күөһэ, тыаһа-ууһа, таҥас-сап, ойуу-мандар да табыллыбыт диэн түмүгү оҥоруохха сөп.

Тарҕат:

Ырытыыгын суруй

Защитный код
Обновить

Бүтэһик сонуннар