Войти

Войти

“Күрүлгэн” сурунаал “Золотой курай” диэн Башкортостан өрөспүүбүлүкэтин бириэмийэтин ылла.

Уфа куоракка Мустай Карим аатынан Ыччат национальнай тыйаатырыгар, норуоттар икки ардыларынааҕы “Золотой Курай” куонкурус кыайыылаахтарын бэлиэтиир үөрүүлээх тэрээһин буолан ааста. Куонкурус Башкортостан өрөспүүбүлүкэтэ төрүттэммитэ 100 сылыгар уонна Башкортостан норуодунай поэта Мустай Карим төрөөбүтэ 100 сылыгар анаммыт. Ол курдук, Чехияттан, Канадаттан, Кытайтан, Турцияттан, Азербайджантан, Москубаттан, Татарстаантан, Дагестантан, Алтаайтан, Хакасияттан, Мордовияттан, Красноярскай кыраайтан, Свердловскай, Брянскай уобаластартан уонна Саха сириттэн “Күрүлгэн” сурунаал кыттыыны ыллылар. Дьүүллүүр сүбэни Арассыыйа Суруналыыстарын сойууһун бэрэссэдээтэлэ Владимир Соловьев салайда.

“Күрүлгэн” сурунаал “Я не случайный гость земли родной” диэн номинацияҕа, СӨ норуодунай поэта Михаил Тимофеев Мустай Карим туһунан ахтыытын уонна хоһооннорун тылбааһын таһаарыылара кыайыылааҕынан буолла. Бириэмийэни сурунаал бас дьаһабылыгар Афанасий Гуриновка – Арчылаҥҥа туттардылар.

Тарҕат:

Комментарии

Защитный код Обновить