Бу киэһэ, ыам ыйын 29 күнүгэр, алмаастаах куорат килбэйэр киинигэр оhуор ойуу быыhыктаах үнкүү-битии тэнийдэ. Сыhыы уута сыккыстыырыныы норуот оhуохайдаан ойдо, дьуохардаан дьэргэйдэ.
Сүрүн оһуохай тылын этээччи – киһи сүрэҕин өрүкүтэр ырыа чулуута Лэгэнтэй сөҥ, чөллөркөй куолаһа ыраахха диэри сатараата. Дьааҥы уола чахчытын да улугурбуту уһугуннарда.
Уhун кыhыны-сааhы быhа хааччахтан муунтуйбут дьон, дьэ, тыыннарын таhаардылар. Наскылдьыгас оһуохайга, нуоҕаччы хаамыыга, эрчимнээх үҥкүүгэ кыыралдьыйа ойдулар.
Станислав Алексеев. Ааптар хаартыскалара.