Өрөспүүбүлүкэ быыһыыр сулууспатын үлэһиттэрэ сэтинньи 9 күнүгэр Өймөкөөн улууһун Индигирка өрүһүттэн сүппүт үс киһи өлүгүн буллулар. Маннык түмүгү өрүс аннын видеокамеранан чинчийии, 6 быыһааччы уонна 10 баҕалаах көрдөһөөччү көмөтүнэн ситистилэр.
Санатар буоллахха, Быыһыыр сулууспаҕа «Туостаах» диэн сиргэ балыктыы барбыт дьон сүппүттэрин туһунан иһитиннэрии сэтинньи 5 күнүгэр киирбитэ. Сэтинньи 7 күнүгэр балыксыттар «Туостаах» базатыгар снегоходу булбуттара. Оттон дьоно суох «Бураны» өрүс анныттан булбуттара.
Быыһааччылар, муус халыҥа тырааныспар айаныгар билигин сөбө суоҕунан, онон мууска тахсартан туттунаргытыгар ыҥыраллар. Ыксаллаах быһыыга-майгыга эрийэр нүөмэрдэр: Суһал сулууспа - «112», СӨ Быыһыыр сулууспата - (4112) 45-90-19.
Сонун төрдө: СӨ Быыһыыр сулууспата
Сэҥээриилэр