Сэтинньи 20 күнүгэр СӨ Быыһыыр сулууспатыгар ЕДДС дьуһуурунайыттан Сунтаар сэлиэнньэтигэр 2012 с.т. оҕо сүппүтүн туһунан иһитиннэрии киирбит.
Ийэ кэпсээнинэн, оҕо дьиэтиттэн тахсан оскуолатыгар барбыт уонна тиийбэтэх. Хойутуу уолчаан ийэтигэр эрийэн мунан хааллым диэн эппит.
« Оҕону көрдөөһүҥҥэ 16 полиция үлэһитэ, 10 баһаарынай уонна олохтоох дьонтон 45 волонтер кытынна. Уолу биир чаас буолан баран дьиэтиттэн түөрт килэмиэтир тэйиччи ойууртан буллубут», — диэн быһааччы Марк Потапов иһитиннэрдэ.
Тастан көрүүгэ оҕо туруга үчүгэй эбит. Ол да буоллар, кинини улуус киин балыыһатыгар көрдөрө илдьибиттэр.
Сонун төрдө: СӨ Быыһыыр сулууспата
