Саҥа дьыл кэннэ Владимир Путин Саха сиригэр кэлэрин туһунан сонун киэҥник тарҕаммыта. Кини кэлиитин үгүс өттүлэрэ Өлүөнэ күргэтин уонна Онкология диспансерын тутуутун кытта сибээстээбиттэрэ. Туһааннаах тэрилтэлэргэ бэлэмнэнии бара турар сурахтааҕа.
«Дойду бэрэсидьиэнэ Илин Уһукка сырыытын торумугар Саха сирэ эмиэ киирбитэ эрээри, тумантан сылтаан туолбата. Владимир Владимирович кыайан кэлбэтэҕиттэн хомойорун биллэрдэ. Кини манна Муусука үрдүкү оскуолатыгар сылдьыахтаах этэ» диэн бүгүн СӨ Бырабыыталыстыбатын уонна Ил Дарханын дьаһалтатын пресс-сулууспата суруйар.
Онон, Владимир Путин Саха сиригэр халлаан сылыйдаҕына, саас эбэтэр сайын кэлиэх буолан эрэннэрбит.
Бэйэ кэр.
