Кэлэ-бара - 33 тыһыынча. Санатан эттэххэ, Дьокуускайдыыр авиабилет сыаната 2011 сыллаахха – 11.000 солк., 2018-19 сылларга 18-20 тыһыынчаҕа тиийэ сылдьыбыта. Авиаэриэйси “АЛРОСА-Авиа” хампаанньа нэдиэлэҕэ үстэ – сэрэдэҕэ, субуотаҕа уонна бэнидиэнньиккэ көтүтэр. Күн бүгүн, 55 саастарын туолбут дьахталларга, 60 саастарын туолбут эр дьоҥҥо авиабилет сыаната 10 500 солк. Чэпчэкитэ суох айан. Манна холоотоххо, Иркутскайга диэри баара-суоҕа икки тыһыынчаҕа көтөллөр уонна эриэйстэрин ахсаана элбэх.
Дьокуускайга сөмөлүөтүнэн көтөрбүт сыаната ыараханыгар салалтаттан саҕалаан пассажирдарга тиийэ ким даҕаны кыһаммат...
Өрөспүүбүлүкэ таһымнаах чунуобунньуктар эппиэттэрэ халбархай буолааччы: “Авиабөрөбүөсчүк – хаһаайын, кини билэр», - диэн.
Хоту сытар улуустар урукку баһырхай авиатарыыптары утаран, Дьокуускайдааҕы бэрэстэбиитэллэрэ, дьокутааттара тирэх-көмө буолан сыаналарын лаппа кыччаттылар. Арай Мииринэй «ньим» курдук. Хаһааҥҥа диэри?!
Станислав Алексеев. Мииринэй куората. Ааптар хаартыската.
