Киин куоракка 13 оскуола күнүскү, олоҕурбут ньаманан үөрэтэ олорор, 22 оскуолаҕа 73 кылаас ОРВИ дьаҥыттан сылтаан дистанционнай үөрэтиигэ көспүт. Бу туһунан Дьокуускай үөрэҕин управлениетын начаалынньыга Алексей Семенов планерка кэмигэр отчуоттаата.
ОРВИттан сылтаан уһуйааннарга 9 бөлөх харантыыҥҥа сабыллыбыт. Роспотребнадзор иһитиннэрэринэн, ааспты нэдиэлэҕэ 2751 тумуулаабыт киһи бэлиэтэммит. Ити эпидемиологическэй нуорманы 14% куоһарбыт, оттон бу иннинээҕи нэдиэлэҕэ 19% этэ.
Алексей Семенов эппитинэн, куорат үөрэҕин ситимигэр коронавирустан быһыыны номнуо 2700 үлэһит ылбыт, оттон бастакы кыбартаалга былаан быһыытынан 2300 киһини хабыахтаахтар этэ.
