Бүгүн күнүс 13 ч. 30 мүн. Аллараа Бэстээх дьаһалтатыттан, оттон 14 ч. Майа автовокзалыттан Баатара нэһилиэгэр баһаары умулларыыга барар баҕалаах дьоннору хомуйан илтилэр.
Сыымахха 60 туонна от уокка былдьаммыт, уопсайа улууска быһа барыллаан 100 туонна бэлэмнэммит от умайбыт. Улуус дьаһалтата иһитиннэрэринэн, билигин Баатара нэһилиэгэр Чурапчы кыраныыссатын эргин улахан баһаар турар, тыал күүһүрдэҕин ахсын уот үөһэннэн умайан барар, биир чааска 5 км диэри күүдэпчилэнэн сиир. Нуораҕанаҕа дылы 20 км сиргэ уот умайар. Уот туһаайыытынан 10 ыал олорор сайылыга баар. Билигин ити улахан уоту умулларыыга икки улуустан 280 киһи үлэлиир, икки тыраахтыр, үс бодбуос уонна Якутлесресурс 9 киһитэ өрүһүйэ сылдьар.100 туонна от былдьанна
