Арассыыйа МЧС Ногинскайдааҕы быыһыыр киинин 100 исписэлииһэ бүгүн Дьокуускайга көтөн кэллилэр уонна ыарахан балаһыанньалаах улуустарга көмөҕө бардылар.
Кинилэр сүрүннээн нэһилиэнньэлээх пууннарга уот киирбэтигэр күүстэрин ууруохтара. Быыһааччылар улахан уопуттаахтар, туох баар анал тэрилинэн толору хааччыллыылахтар, баһаардар аттыларыгар автономнай лааҕыр тэринэн сытыахтара, онтуларын илдьэ кэлбиттэр. Бу туһунан ЫБММ Саха сиринээҕи Управлениетын пресс-сулууспата иһитиннэрэр.
Көмөҕө кэлбит быыһааччылар нэһилиэккэ уот өтөн киирэр кутталлаах балаһыанньатыгар олорор сирдэргэ барыахтара. Ол курдук, Нам улууһугар Өргүөлээх, Харыйалаах, Таатта Ытык Күөлэ, Горнай Бэс Күөлэ, Уус Алдан Түүлээх, Бээрийэ, Үөһээ Бүлүү Кырыкый, Хомустаах, Кэбээйи Сииттэ, Сангаар, Кальвица, Чурапчы Мэлдьэхси нэһилиэнньэлээх пууннарыгар бардылар. Уопсайа Саха сиригэр 200 МЧС быыһааччылара кэлбиттэрэ, маны таһынан эбии икки Бе-200ЧС амфибия-сөмөлүөт кэлбит.
