Мииринэй оройуонун үрдүнэн, хоруона хамсыгын сыба кимиитэ салҕанан барар.
Саха сирин хамсыгы утары охсуһар Суһал ыстаабын чахчыларынан сирдэттэххэ, балаһыанньабыт бөрүкүтэ суох. Мииринэй оройуона СOVID-19 тарҕаныытыгар Дьокуускай кэнниттэн иккис миэстэҕэ иһэр.
Ол курдук, сэтинньи 21 күнүттэн ахсынньы 6 күнүгэр диэри хоруона хамсыгар 341 киһи киһи ылларда. Бүтэһик сууккаҕа – отуттан тахса киһи! Бу – киһини өмүтүннэрэр сыыппара. Оннооҕор хамсык олустаабыт, бу дьыл тохсунньутугар, маннааҕар арыый аматык соҕус этибит. Хобдох холобуру, амбулаторнай быһыылаахтык, күн-бүгүн 500-кэ тиийэ киһи эмтэнэрэ күүркэтэн биэрэр.
Маннык чахчылары «АЛРОСА» суһал ыстааба «Алмазнай кыраай» телеараадьыйа хампаанньа нөҥүө биллэрэр. Оттон Мииринэй ковиднай госпитала ыарыһахтарынан бүгүн тобус-толору. Миэстэ суох. 60-70 киһи киирэр стационарыгар 120-130 киһи симиллэр. Хоруона хамсыга намтыахтааҕар сэтэрэн иһэр.
Харыстаныҥ, бука диэн мааскалаах сылдьыҥ, быһыыта ылын, сылдьар сиргитин аҕыйатыҥ.
Станислав Алексеев. Мииринэй куората. Ааптар хаартыскаҕа түһэриитэ.
