Уус Алдан улууһун дьокутааттарын сэбиэтин иһинэн ыччат парламена үлэлиэҕэ. Манна нэһилиэктэртэн бэрэстэбиитэллэр киириэхтэрэ. Бу туһунан быһаарыныы олохтоох бэйэни салайыныы нэдиэлэтин чэрчитинэн ыытыллыбыт эдэр дьокутааттар уонна ыччат түмсүүлэрин форумугар ылыллыбыт.
Ил Түмэн иһинэн ыччат парламенын бэрэссэдээтэлэ Алексей Иннокентьев этии киллэрбит. Кини этэринэн бу хамсааһын нэһилиэктэр ыччатын сомоҕолуур күүстээх. Улуус дьокутааттарын сэбиэтин бэрэссэдээтэлэ Иван Колодезников бу боппуруос бэс ыйыгар буолар уочараттаах сессияҕа көрүллэрин туһунан эттэ. Ыччат парламеныгар хас биирдии нэһилиэктэн 30 саастарын туола илик биирдии бэрэстэбиитэл киириэҕэ.
