Кулун тутар 15 күнүгэр, Ил Дархан Айсен Николаев Өрөспүүбүлүкэтээҕи терроризмы утары үлэлиир хамыыһыйаҕа мунньах ыытта. Манна тырааныспар инфраструктуратын, комплексын эбийиэктэригэр терроризм куттала суоһаабат буолуутун уонна социальнай суолталаах эбийиэктэр көмүскэллээх буолууларын хааччыйыы туһунан буоппуруостар көрүлүннүлэр.
«Геополитическэй быһыы-майгы уларыйбыт усулуобуйатыгар, экономика эрэ боппуруостарын буолбакка, эҥин араас деструктивнай күүстэр сокуону утары дьайыылары оҥоруон сөптөөх кутталлара улааппытын эмиэ учуоттуохтаахпыт. Биһиги, ордук чуолаан, өрөспүүбүлүкэбит олохтоохторугар куттал суоһаабатын туһуттан үрдүк таһымнаахтык бэйэни дьаһаныыбытын, диссипилиинэбитин көрдөрүөхтээхпит», - диэн Ил Дархан бэлиэтиир.
Мунньах кыттааччылара, пассажирдары таһарга тырааныспар инфраструктуратын уонна комплексын эбийиэктэригэр терроризм куттала суоһаабатын туһугар, чопчу миэрэлэри ырытыстылар. Терроризмтан харысхаллаах буолуу таһымын үрдэтиигэр, быраабы кэһии бырабылаактыкатыгар, өрөспүүбүлүкэ сиригэр-уотугар утарыта дьайыылары сэрэтиигэ уонна хааччыйыыга быһаарыылары ылыннылар.
Ону таһынан, терроризм идеологията иҥпэтин уонна сокуону утары дьайыыга киирэн биэрбэттэрин туһугар, обургу оҕолору уонна ыччаты кытта сокуону кэспэт бырабылаактыка үлэтин ыытыыга тус болҕомто уурулунна.
СӨ Ил Дарханын уонна Бырабыыталыстыбатын пресс-сулууспатаАндрей Сорокин хаартыскалара