Киирии

Киирии

Галина Филиппова бу сылга номнуо үһүс мэтээлэ буолар. От ыйын 27-28 күннэригэр Москуба куоракка, кыҥыыра суох кылаастаах оҕунан ытыыга Арассыыйа сайыҥҥы Кубога буолан ааста.

Күрэстэһиигэ Бурятия, Забайкалье, Москуба, Калмыкия, Свердловскай уобалас, Санкт-Петербург, Смоленск, Екатеринбург, Тверь, Рязань, Коломна, Жуковскай куораттартан уонна Саха сириттэн күүстээх спортсменнар кытыннылар. Арассыыйа Кубогын сүрүн сыала – дойду араас эрэгийиэннэриттэн традиционнай оҕунан ытар спортсменнары түмүү уонна бу спорт көрүҥүн бүтүн дойду таһымыгар таһаарыы.

Спортсменнар 30 уонна 50 м ытыыга күрэстэстилэр. Саха сирин сүүмэрдэммит хамаандатын чиэһин Галина Филиппова көмсүкээтэ. Кини 2016 сыллаахтан оҕунан ытыынан дьарыктанар. Тренерэ Р.М.Дмитриев аатынан олимпийскай эрэллэр училищатын тренерэ Александр Филатов буолар.

Галина күрэстэһии бастакы күнүгэр 50 м дистанцияҕа периферийнэй оҕунан ытыыга кыһыл көмүс мэтээли ылары ситиспитэ. Оттон иккис күнүгэр 30 м дистанцияҕа 350 очукуону ылан, Арассыыйа рекордун олохтоото уонна Арассыыйа Кубогын чемпионкатынан буолла. Галина Орел куоракка буолан ааспыт кыһыҥҥы күрэстэһиигэ боруонса мэтээли ылбыта. Инньэ гынан, Арассыыйа Кубогын икки кыһыл уонна биир боруонса мэтээллээх.

sportyakutia.ru

Тарҕат:

Комментарии

Защитный код Обновить