Войти

Войти

Хаҥаласка Дойдунаат (патриотизм) сылын көрсө хапсаҕайга чемпионат ыытылынна.

Тохсунньу 17-19 күннэригэр Покровскайга успуорт дыбарыаһыгар НХЗ GROUP бирииһигэр хапсаҕайга биирдиилээн уонна хамаанданан киирсиигэ чемпионат үһүс төгүлүн ыытылынна.  Быйыл хапсаҕай чемпионатыгар Хаҥалас улууһун бары нэһилиэктэриттэн спортсменнар биир киһи курдук кэлэн кыттыбыттара хайҕаллаах. Барыта 228 спортсмен үс категорияннан - бэтэрээннэргэ, улахан дьоҥҥо, саҥа тахсан эрэр дьоҥҥо хайдыһан күөн көрүстүлэр. 

sp1

Олус тыҥааһыннаах киирсиилэр көрөөччүлэргэ успуорт бырааһынньыгын бэлэхтээтилэр. Чемпионат биир сүрүн сыалынан дойдуга тапталы, бэриниилээх буолууну өйгө-санааҕа түмүү буолар. Тустууктар тус бэйэлэрин эрэ туһугар буолбакка, нэһилиэктэрин чиэһин иһин туруналлар.  Быйыл Нөмүгүлэр ордук бэлэмнээх буолан, төрөөбүт-үөскээбит нэһилиэктэригэр анал Кубогы уонна 150 тыһыынча суумалаах сэртипикээти илдьэ бардылар.

sp3

Ханалас улууһун хапсагайга Федерацията 2019 сыл түмүгүнэн бастыҥ спортсмен аатын Владислав Ефимовы ааттаата уонна 100 тыһыынчалаах сэртипикээтинэн наҕараадалаата.Бу номинация сыл ахсын туттарыллар. 

sp2

Улууһугар  успуорт сайдарын туһугар кыһаллан, бу курдук улахан чемпионаты тэрийбит НХЗ GROUP салайааччыта, Хаҥалас улууһун хапсаҕайга Федерациятын бэрэсидьиэнэ Вячеслав Нестеров чемпионакка кыттыбыт спортсменнар таһымнара үрдээбитин астынан туран бэлиэтиир. “Ил Дархаммыт Айсен Сергеевич Николаев быйылгы сылы Дойдунаат (патриотизм) сылынан биллэрбитэ биһиги чемпионнаппыт сыалыгар-соругар толору эппиэттиир. Чемпионаты өрөспүүбүлүкэ успуортка, физическэй култуураҕа министиэристибэтин, улуус дьаһалтатын, успуортка управлениетын уонна туох баар нэһилиэктэр баһылыктарын кытта биир санаанан, биир түмсүүнэн тэрийдибит. Кыттыбыт дьон, ыалдьыттар бары астыммыттарын биллэрдилэр. Ол биһиги үлэбит тутаах сыанабыла буолар”, - диир Вячеслав Нестеров.  

sp4

 “Чемпионат тэрээһинин таһыма сылтан сыл үрдээн иһэр. Улууспут нэһилиэктэрин спорстменнара кыттан, түмсүү күүһүн көрдөрдүлэр. Биһиги улууска хапсаҕайы тарҕата, сайыннара сылдьар киһибитигэр, чемпионат тэрийээччитигэр Вячеслав Нестровка махталбытын биллэрэбит. Кэлиҥҥи кэмҥэ хапсаҕайынан дьарыктанааччы ыччат ахсаана эбиллэн иһэрэ үөрдэр”, - диэн  Хаҥалас улууһун успуортка управлениетын начаалынньыга Юрий Никифоров бэлиэтиир. 

sp5

sp6

sp7

Быйылгы хапсаҕайга  ыарахан ыйааһыннаахтарга абсолютнай чемпионунан  Данил Иванов буолла. Орто ыйааһыҥҥа -  Дьулустаан Булатов. 

Дойдунаат сылын Хаҥалас улууһа бу курдук нэһилиэктэри успуорт тула түмэн, чөл олоххо көҕүлээн көрсүбүтэ бэлиэ түгэнинэн буолла.  

А.Шадрина.

Тарҕат:

Добавить комментарий