Кулун тутар 18 күнүгэр буолар дойду бэрэсидьиэнин быыбарыгар Саха сирин ыраах сытар, суола-ииһэ суох сирдэригэр, ыстаадаларга, баахтанан үлэлиир тэрилтэлэргэ эрдэттэн куоластааһын ыытыллыаҕа.
29 улууска уопсайа 18 тыһ. кэриҥэ быыбардааччы куоластыаҕа. Бу туһунан Саха сирин Киин быыбардыыр хамыыһыйатын бэрэссэдээтэлин солбуйааччы Ирина Конакова иһитиннэрэр. Маныаха тырааныспар араас көрүҥүн туһаныахтара. Наада буоллаҕына бөртөлүөтүнэн да көтөн тиийиэхтэрэ. Онуоха федеральнай бүддьүөттэн 53 мөл. солк. көрүллүбүт. Эрдэттэн куоластааһын олунньу 25 күнүттэн саҕаланар.
