Дьокуускайбыт барахсан үбүлүөйдээх сылга ох курдук оҥостон, кустук курдук кууһанан, киэргэнэн-симэнэн туруон оннугар, хаһааҥҥытааҕар да киртийэн, быыллыйан, хобдох көстүүлэнэн турара мэлдьэһиллибэт чахчы.
Куорат уулуссаларын саҥардан тутууттан, өрөмүөнтэн сылтаан, уруккуттан да дьон сылдьарыгар табыгаһа суохтук толкуйданан оҥоһуллубут сорох оптуобус маршруттара сыа киһи сылайар, эт киһи элэйэр сылаалаах айан суолугар кубулуйдулар.
Суол барыта оҥоһуллан бүттэҕинэ, баҕар, дьон санаатын учуоттаан, саҥаттан оҥоруохтара дуу диэн санааттан сатамматах маршруттар рейтиннэрин таһааран эрэбит. Онон куоластааһыҥҥа уонна санаа үллэстиитигэр көхтөөхтүк кыттаргытыгар көрдөһөбүт
