Бу күннэргэ Охотскай муора кытылыттан «Надмадол» диэн экс-тайфун тахсыахтаах уонна Чукотка нөҥүө хоту сирдэр диэки салайыахтаах. Онон, бу кэлэр үс күҥҥэ Сахабыт сирин арктическай оройуоннарыгар инчэҕэй хаар уонна ардах түһүөҕэ. Онон, Халымаҕа кэлбит тайфунунан сибээстээн, сорох сиринэн 15-20 м/с диэри түргэннээх күүстээх тыал түһэрэ күүтүллэр.
Өрөспүүбүлүкэ уонна да атын сиригэр-уотугар кыра сөҥүүлээх тымныы халлаан туруоҕа. Түүн салгын температурата -3…-8 кыраадыс буолуоҕа, сорох сиринэн -7…-12 кыраадыска тиийэ тымныйыаҕа.
«Бээтинсэҕэ арҕааҥҥы циклон ааһан, оттон баскыһыанньаҕа соҕурууҥҥу циклон кэлэн, арҕаа, киин уонна соҕуруу оройуоннарга ардах түһүөҕэ, арҕаа инчэҕэй хаардаах уонна тыаллаах буолуоҕа. Маны кытта күнүскү температура +8…+13 кыраадыска диэри сылыйыаҕа, оттон сөҥүү түһэр кэмигэр +3…+8 кыраадыс буолуоҕа», – диэн Саха сиринээҕи гидрометеорология киинэ иһитиннэрэр.
Дьокуускайга балаҕан ыйын 21 күнүгэр сөҥүү түһэрэ күүтүллүбэт – түүн салгын температурата -2…-4 кыраадыска диэри тымныйыаҕа. Чэппиэргэ 10 м/с диэри түргэннээх хотугулуу-арҕааҥҥы тыал түһүөҕэ, күнүс салгын температурата +4…+6 буолуоҕа, оттон түүн -2…-4 кыраадыска диэри тымныйыаҕа.
