Бүгүн уонна сарсын Дьокуускайга халлаан лаппа сылыйар чинчилээх турар. Ол гынан баран, биир “ноолоох” – күүскэ тыалырыахтаах. Ити туһунан Гидрометкиин салайааччыта Татьяна Маршалик кэпсээбит.
Кини этэринэн, киин Саха сирин хотуттан кэлбит сылаас салгын бүрүйүөхтээх. Халлаан ордук сэрэдэҕэ, ол эбэтэр тохсунньу 24 күнүгэр, сылыйар. Ити күн кыраадыс -23 кыраадыска тиийэ түһүөхтээх.
Хомойуох иһин, ол сылаас күннэр биллибэккэ ааһыахтарын сөп. Тоҕо диэтэххэ, эмиэ ити кэмнэргэ күүһүрэн ылар тымныы тыаллаах, чысхааннаах буолара сабаҕаланар. “Циклон арҕаа диэкиттэн иһэр, билигин онно сөкүүндэҕэ 15-20 миэтэрэ тыаллаах. Сыыйа ол Бүлүү улуустарыгар, онтон биһиэхэ кэлиэҕэ”, – диир идэлээх киһи.
Бытархан тымныыттан кыратык тыын ыла түспүппүт кэннэ, бээтинсэттэн саҕалаан эмиэ тымныйан барыахтаах. Сорох улуустарга -50 кыраадыс билигин да турар.
Бэй.кэр.
