Нэдиэлэ бүтүүтүгэр Саха сирин киин улуустарыгар сылаас салгын саба анньан кэлэн, халлааммыт нуорматтан 5 – 10 кыраадыһынан сылыйар чинчилээх. Ол түмүгэр, олунньу 23 күнүгэр Дьокуускайга инньэ -19 кыраадыска тиийэ сылыйыа. Ол туһунан Саха сиринээҕи УГМС салайааччыта Татьяна Маршалик кэпсиир.
“Сылаас салгын тымныы салгыны илин диэки үтэйиэ. Билигин халлааммыт кэминэн турар: түүнүн -38, күнүһүн -25 кыраадыс. Ол гынан баран, нэдиэлэ бүтүөр диэри нуорматтан биллэ сылыйар чинчилээх: түүнүн -28-33, оттон күнүһүн -20-чэ буолуоҕа”, – диир Т.Маршалик.
Хомойуох иһин, сылаас күннэр наһаа уһуннук туруохтара суоҕа. Кэлэр нэдиэлэ саҕаланыытыгар халлааммыт бэйэтин орто тэмпэрэтиирэтигэр түһүөҕэ. Өрөспүүбүлүкэ үрдүнэн дьиҥнээх сааскы сылыйыы кулун тутар 5 күнүттэн саҕаланыа үһү.
Бэй.кэр.
СИА хаартыската
