СӨ Экологияҕа министиэристибэтэ уопсай бултанар сирдэргэ бултуур дьоҥҥо лиссиэнсийэ сайабылыанньатын ылар үлэ-хамнас болдьоҕо уларыйбытын туһунан иһитиннэрэр.
Ол курдук, уопсай бултанар сирдэргэ лиссиэнсийэни ыларга сайабыльыанньа маннык быһыылаахтык суруллар буолла:
- “Е-Якутия” судаарыстыбаннай уонна муниципальнай өҥө порталыгар электроннай сайабылыанньаны күн аайы туталлар: https://e-yakutia.ru/#/service/1400000000160255394/info (РПГУ);
- Киһи тус бэйэтэ кэмитиэккэ тиийэн сайабылыанньаны нэдиэлэҕэ биирдэ, ханыы күҥҥэ эрэ (оптуорунньукка), сарсыарда 09:00 чаастан киэһэ 18:00 чааска диэри, суруйуон сөп. Күнүс 13:00 – 14:00 чч. эбиэттииллэр. Дьокуускай куоракка көҥүл 202-с түөлбэ 18/2 дьиэтигэр, 2 этээскэ, бэриллэр (Экология надзорун Дьокуускайдааҕы судаарыстыбаннай кэмитиэтигэр);
- “Мои документы” кииннэргэ.
Онон, киһи икки атаҕынан илэ хааман тиийэн, илиитинэн сайабылыанньаны оптуорунньукка эрэ суруйуон сөп буолбут. Атын күннэргэ экология исписэлиистэрэ электроннай ньыманан киирбит сайабылыанньалары эридьиэстииллэр. Ол аата ханыы күн ахсын уочарат элбиирэ күүтүллэр, электроннайдык суруйар ордук буолар.
Онон сибээстээн, Экология министиэристибэтэ халыҥ уочарат үөскээбэтин туһугар, сааскы кус уонна мас көтөрүн көҥүлүн эрдэттэн ыларга сүбэлиир.
Бу куар-кодунан эбэтэр аллараа баар сыылканан киирэн, электроннай сайабылыанньа хайдах сөпкө сурулларын көрүөххүтүн сөп.
https://minpriroda.sakha.gov.ru/uploads/ckfinder/userfiles/2024/04/15/files/%D0%98%D0%BD%D1%81%D1%82%D1%80%D1%83%D0%BA%D1%86%D0%B8%D1%8F_%D1%80%D0%B0%D0%B7%D1%80%D0%B5%D1%88%D0%B5%D0%BD%D0%B8%D0%B5_%D0%BD%D0%B0_%D1%83%D1%82%D0%BE%D0%BA_%D0%BC%D0%B8%D0%BD%D1%8D%D0%BA%D0%BE%D0%BB%D0%BE%D0%B3%D0%B8%D0%B82024_661ce47011e8d.pdf
Бэй.кэр.
