Бүгүн, ол эбэтэр ыам ыйын 20 күнүгэр, өрөспүүбүлүкэ үс улууһагар күүстээх ардах түһэрэ күүтүллэр. Ол туһунан Гидрометкиин Саха сиринээҕи салаата иһитиннэрэр.
Ол курдук, Ленскэйгэ, Мииринэйгэ уонна Сунтаарга бүгүн күнүс күүскэ ардыаҕа, сорох сиринэн инньэ ыаҕастаах уунан кутуоҕа. Ардах кэмигэр Ленскэйгэ сөкүүндэҕэ 15 – 17 м/т., Мииринэйгэ уонна Сунтаарга 9 – 14 м/т. тыаллаах буолуоҕа.
Саха сирин киин улуустарыгар, хотугулуу-арҕаа, соҕуруу өттүгэр уонна Өлүөнэ алын тардыытыгар сөҥүү түһэрэ күүтүллүбэт. Хотугулуу-илиҥҥи улуустарга уонна Индигиир сүнньүнэн хаар былаастаах ардыаҕа.
Бүгүн күнүс киин улуустарга +10...+15, хоту уонна хотугулуу-арҕаа – +2...+7 кыраадыс сылаас буолуоҕа.
Дьокуускайга бу күн ардах да, хаар да күүтүллүбэт. Түүнүн -2...-4 кыраадыс тымныы этэ. Күнүһүн +11...+13 буолар үһү.
