Бу сэттиэлэҕэ Саха сирин киин улуустарыгар салгын тэмпэрэтиирэтэ нуорманы куоһарар буолбут. Чөл күҥҥэ (бээтинсэ) сорох-сорох сиргэ инньэ +30 кыраадыс буолара күүтүллэр. Ол туһунан Гидрометкиин салайааччыта Татьяна Маршалик кэпсиир.
“Бу сэттиэлэҕэ (нэдиэлэ) киин улуустарга улахан ардаҕа суох сылаас күннэр туруохтара. Хас күн аайы халлааммыт биирдии-иккилии кыраадыһынан сылыйан иһиэҕэ. Оттон ыам ыйын 31 күнүгэр +30 кыраадыстаах итии түһүөҕэ. Дьыл баччатыгар ити – нуорманы куоһарыы. Өрөспүүбүлүкэ үрдүгэр хааччахтыыр антициклон сабардаан турар, арҕааҥҥы улуустарга номнуо +30 кыраадыс кытта бэлиэтэннэ”, – диэн Татьяна Маршалик үллэстэр.
Кини этэринэн, өрөспүүбүлүкэ соҕуруулуу-арҕааҥҥы өттүттэн киирэр Монголияттан кэлбит сылаас салгын Саха сирин барытын кэриэтэ хабыахтаах.
“Сылаас салгын киин уонна арҕааҥҥы улуустарга эрэ буолбакка, хоту улуустарга, Булуҥҥа, бэл, Новосибирскай арыыларыгар кытта тиийиэҕэ. Арай хотугулуу-арҕааҥҥы улуустары, судургутук эттэххэ, Өлөөнү уонна Мииринэй хоту өттүн арыылыаҕа. Өрөбүллэргэ, бэс ыйын 1 – 2 күннэригэр, киин улуустарга арыый сөрүүкүөҕэ – тэмпэрэтиирэ 5 – 7 кыраадыһынан түһүөҕэ. Былыттаах буолуо, баҕар кыралаан ардыа”, – диир Татьяна Маршалик.
Бүгүн, ыам ыйын 28 күнүгэр, Дьокуускайга күнүс +21...+23, киин улуустарга +20...+25, арҕааҥҥы улуустарга +25...+30, соҕурууҥҥу улуустарга +16...+21, хоту +10...+15 кыраадыс итии буолара күүтүллэр.
