Ыам ыйа бүтэ илик диэтэххэ, урут буолбатах, киһи уҥар куйаас күннэрэ сатыылаан тураллар. Бу аата салгыммыт тэмпэрэтиирэтэ 7 – 9 кыраадыһынан нуорматтан итии үһү. Онон, Дьокуускайга уонна киин улуустарга +30 кыраадыстаах күннэри күүтэбит. Дьиҥэр, ити курдук тэмпэрэтиирэ Саха сиригэр бэс ыйын бүтүүтүгэр эрэ түһээччи. Ол туһунан Гидрометкиин билимҥэ салайааччыта Роман Вильфанд кэпсиир.
Бүгүн күнүс, ыам ыйын 30 күнүгэр, Докуускайга халлааммыт +28...+30 кыраадыска тиийэ итийиэхтээх. Киин улуустарга – +29, хоту – +23, Халыма сүнньүгэр – +7...+12.
Ыам ыйын 31 күнүгэр киин улуустарга халлааммыт +24...+29, соҕурууҥҥу улуустарга – +30 буолара күүтүллэр.
Халлааммыт өрөбүллэргэ арыый “сөрүүкүүр” чинчилээх – бу күүннээҕи тэмпэрэтиирэттэн 5 – 7 кыраадыһынан намырыйыаҕа. Синоптиктар инньэ диэн сылыктыыллар.
