Бэс ыйын 11 күнүгэр биэс улууска күүстээх тыаллаах-куустаах этиҥнэх ардах түһүөҕэ. Атын сиргэ күн-дьыл туруга этэҥҥэ курдук.
Гидромет-киин Саха сиринээҕи салаата иһитиннэрэринэн, бүгүн Мииринэйгэ, Ленскэйгэ, Өлүөхүмэҕэ, Алдаҥҥа уонна Нерюнгрига көтө сылдьан күүстээх этиҥнээх ардахтар түһүөхтэрэ. Ардах кэмигэр тыал силлиэ-буурҕа курдук күүһүрэр чинчилээх – сөкүүндэҕэ 17 – 22 миэтэрэ түргэнник үрүөҕэ. Онтон атын улуустарга сайыҥҥылыы үтүө күннэр туруохтара.
Бүгүн күнүс киин улуустарга +22...+27, арҕааҥҥы улуустарга +24...+29, хотугулуу-илиҥҥи улуустарга +15...+20, Хотугу Муустаах байҕал кытылынан +9...+14 кыраадыс сылаас буолара күүтүллэр.
Дьокуускай куоракка бу түүн арыый сөрүүкүө: +7...+9 кыраадыс буолуоҕа. Ол гынан баран, күнүһүн +24...+26 кыраадыска тиийэ сылыйыа.
