Бэс ыйын 13 күнүгэр Саха сирин үгүс улууһугар күүстээх тыал уонна этиҥнээх ардах түһүөҕэ. Арктика кытылыгар 0 кыраадыска диэри тымныйыаҕа.
Өрөспүүбүлүкэ илиҥҥи, хотугулуу-арҕааҥҥы уонна киин улуустарыгар көтө сылдьан этиҥнээх ардахтар түһүөхтэрэ. Арҕааҥҥы улуустарга сөкүүндэҕэ 9 – 14 миэтэрэ, оттон ардах кэмигэр 15 – 20 миэтэрэ түргэннээх тыаллаах буолуоҕа.
Тэмпэрэтиирэ бүгүн түүн +9...+14, намтал сирдэргэ +3...+8, Хотугу Муустаах байҕал кытылыгар 0...+5 кыраадыс буолара күүтүллэр. Күнүһүн үгүс улууска +23...+28, хотугулуу-илин +19...+24, Арктика кытылыгар +8...+13 кыраадыс сылаас.
Киин куоракка күн бастакы аҥаарыгар дьайҕаран ылар былыттаах. Иккис аҥаарыгар быстах ардаҕыа. Хотугулуу-арҕааттан сөкүүндэҕэ 3 – 8, күүһүрэн ылар кэмигэр 15 – 17 миэтэрэ түргэннээх тыаллаах буолуо.
Түүнүн салгын тэмпэрэтирэтэ +9...+11 кыраадыска диэри сөрүүкүө. Күнүһүн +24...+26 буолуо.
