Бүгүн, бэс ыйын 17 күнүгэр, Саха сирин үгүс өттүгэр ардыаҕа, сорох сиринэн көтө сылдьан ыаҕастаах уунан кутуоҕа. Оттон арҕааҥҥы улуустарга халлаан -2 кыраадыска диэри тымныйыа. Ол туһунан Гидромет-киин Саха сиринээҕи салаата суруйар.
Өрөспүүбүлүкэ соҕуруу, киин улуустарыгар, Өлүөнэ алын тардыытыгар уонна хотугулуу-илин быстах ардыаҕа, көтө сылдьан күүстээх этииҥнээх ардах түһүөҕэ. Сөбүгэр тыаллаах эрээри, этиҥ кэмигэр сөкүүндэҕэ 15 – 20 миэтэрэ түргэннээх буолуоҕа. Тэмпэрэтиирэ түүнүн +9...+14, арҕааҥҥы улуустарга +1...+6, оттон халлаан дьайҕаран ылар кэмигэр инньэ -2 кыраадыска диэри тымныйыаҕа.
Күнүһүн +18...+23, хотугулуу-илин +23...+28, хотугулуу-арҕаа +13...+18, сорох сиргэ +5...+10 кыраадыс сылаас.
Дьокуускайга бүгүн кыралаан ардыаҕа. Соҕуруулуу-илинтэн 3 – 8, күүһүрэн ылар кэмигэр 5 – 10 миэтэрэ түргэннээх тыаллаах. Түүнүн +10...+12, күнүһүн +22...+24 кыраадыс сылаас.
