Оптуорунньукка, бэс ыйын 25 күнүгэр, үгүс улууска этиҥнээх ардах түһүөҕэ. Киин улуустарга +30 кыраадыстаах куйаас сатыылыаҕа.
Саха сиринээҕи гидромет-киин сэрэтэринэн, бүгүн Ленскэйгэ, Нерюнгрига, Эдьигээҥҥэ, Өлөөҥҥө, Томпоҕо, Өйөкөөҥҥө, Муомаҕа, Абыйга уонна Үөһээ Халымаҕа күүстээх тыаллаах этиҥнээх ардах түһүөҕэ. Тыал күүһүрэр кэмигэр сөкүүндэҕэ 15 – 20 миэтэрэ түргэннээхтик үрүөҕэ.
Хотугу Муустаах байҕал кытылыгар көтө сылдьан кыралаан ардыаҕа. Атын улуустарга ардах-хаар түһэрэ күүтүллүбэт.
Тэмпэрэтиирэ бүгүн күнүс киин улуустарга +25...+30, хотугу улуустарга +15...+20, Арктика кытылыгар +10...+15 кыраадыс буолуоҕа.
Дьокуускайга түүнүн +12...+14 буоллаҕына, күнүс киһини уулларар +28...+30 кыраадыс куйаарыа.
Бэй.кэр.
Хаартыска: zoxexivo.com
