Бүгүҥҥүттэн, от ыйын 2 күнүттэн, Дьокуускайга уонна киин улуустарга халлаан сылыйан барар чинчилээх. Күнү-дьылы кэтээн көрөөччүлэр +33... +35 кыраадыс куйаас буолуо диэн сылыктыыллар.
Дьокуускайдааҕы гидромет-киин иһитиннэрэринэн, бүгүн күнүс киин улуустарга +30... +35, хотугулуу-илин уонна хотугулуу-арҕаа +20... +25, оттон киин куоракка +31... +33 кыраадыс буолара күүтүллэр.
Өрөспүүбүлүкэ хоту, арҕаа, киин уонна хотугулуу-илин улуустарыгар көтө сылдьан быстах этиҥнээх ардахтар түһүөхтэрэ. Эдьигээн соҕуруу өттүгэр уонна Кэбээйигэ ыаҕастаах уунан кутар этиҥнээх ардах түһүөҕэ.
Бэй.кэр.
Хаартыска: интэриниэт аһаҕас источниктарыттан.
