Бүгүн, от ыйын 10 күнүгэр, Дьокуускай куоракка халлаан эмискэ сөрүүкээтэ.
Гидромет-киин Саха сиринээҕи салаата иһитиннэрэринэн, бэҕэһээ күнүс салгын 30 кыраадыс куйаас эбит буоллаҕына, бүгүн +18... +20 кыраадыстан сылыйыа суоҕа. Халлаан былыттаах буолуо, көтө сылдьан кыралаан ардыаҕа.
Өрөспүүбүлүкэ киин уонна илин эҥээр улуустарыгар эмиэ сөрүүкүүр чинчилээх. +18... +23 кыраадыстан сылыйбат. Быстах ардыаҕа.
Бэҕэһээҥҥилии куйаас күннэр арай өрөспүүбүлүкэ соҕуруу уонна соҕуруулуу-арҕаа эҥээригэр туруохтара. Бүгүн онно +32 буолара күүтүллэр.
Ленскэйгэ, Мииринэйгэ уонна Уус Майдаҕа этиҥнээх ардахтар кутан ааһыахтара. Этиҥ кэмигэр сөкүүндэҕэ 17 – 22 миэтэрэ түргэн тыаллаах буолуо.
Бэй.кэр.
Хаартыска: Мария Васильева/СИА
